منتديات الشبول سات - طريقه تشغيل النت على فودافون لجميع الهواتف الصينى والكورى

السلام عليكم ورحمة الله وبركاته

انا انهارده قدرت انى اتوصل لطريقه لتشغيل النت على اى موبايل صينى او كورى ومجربها وشغاله 100/100
ومتاكد انها هتشتغل اسهل من الطرق التانيه الصعبة انك تكتب وتعمل ولو اخطات فى حرف واحد النت مش هيشتغل وخاصه عند خط فودافون
الان انا شغلت النت على فودافون بطريقه بسيطه جدا
اولا:افتح موقع فوادفون الرسمى واشترك برقم تليفونك
وهو ده لينك الموقع:http://www.vodafone.com.eg/
اشترك عادى برقم تليفونك ولما تشترك اعمل تسجيل الدخول
ثانيا:انزل تحت خالص على ايدك الشمال هتلاقى الجمله دى
ضبط هاتفي المحمول للانترنت
اضبط هاتفك المحمول الآن وتصفح الانترنت
اعمل كلمة اضغظ
ثالثا:لو الصفحه تحمل هتلاقى رقم تليفونك مكتوب
تحتها رقم تليفون الاخرين سيبك منها
تحتها الجهه المصنعه هات اخر وحده وهى vodafone
بعدها الطراز سيبك منها
بعدها الضبط سيبك منها
واعمل ارسال فى الاخر هيجيلك رساله يقلك لما الرساله التفعيل توصل للموبايل ادخل الكود اللى هيكون كتبهولك
هتلاقى رساله جات عالموبايل اقعد اعمل install لحد ميخلص وبعدين افتح النت وهيشتغل ويبقى زى الفل
اى استفسار كلمنى انا موجود ومتابع
ودى احسن من الطرق الصعبه التانيه اللى ساعات موبايلات تشتغل عليها وساعات لا
والطرق التانيه مستغلتش على موبايلى خالص
وفى ميزه وهو ان الطريقه دى تشتغل على جميع الهواتف سواء صينية او كوريه
يلا اسيبكم بقى تتصفحوا الانتر نت لكن قبل ممشى ممكن لو عاوز تفتح الياهو او الهوت ميل او اى حاجه فيها شات على موبايل
افتح الموقع ده www.ebuddy.com
واختار اللى انت عاوزه سواء ياهو او هوت ميل ولما يحمل اكتب اليووزر نيم وتحتها الباسورد واعمل لوجن login
وكلم ودردش وادعيلى

منقول