أخي خالد السلام عليكم وعلى جميع الإخوان.
أنا من سكان محافظة الزرقاء كان عندي سيرفر من شخص الله لا يوفقه (إسم محلو الخوالده للستالايت في مخيم الزرقاء) لمدة سنه وكان سوفتوير الجهاز عندي T 600 2usb يعلق كثير رحت عملتلو clear flash وسوفت وير جديد لقيت السيرفر طاير، رحت على المحل قال لي خلص راح عليك ما برجعلك السيرفر وإذا بدك أرجعلك السيرفر بكلفك 10 دنانير بعدين نزل لـ 5 دنانير (مع إنو قبل هالمره صارت معي مع محل آخر ورجعولي السيرفر بدون ما أدفع قرش،) مع إني عارف 100% إنو إسمي موجود عنده وبقدر يرجعلياه، بس سبحان الله عند ربنا مافي حق بضيع، المهم أكل اللي فيه النصيب وقلتلو ما بدي من عندك إشي مع انو ضايل للسيرفر 6 شهور.
هسا حاب أشترك معكم في سيرفر بس في عندي أسئله يا ريت تتحملني لأني غشيم بمواضيع السيرفر أخي.
1-إذا واجهتني مشكلة في أي وقت بقدر أحكي معكم وتساعدوني في الحل ؟
2-مثلا طار السيرفر بخطأ مني، هل بترجعولياه ويلا بروح علي فعلا ؟
3-هل سيرفركم يفتح قنوات نوفا سبورت والقنوات الرياضيه على أقمار (تركسات،هوتبيرد،أموس،إكسبرس،أسترا،نايل سات) ؟
4-أنا أشبك الريسيفر أحيانا عن طريق 3G وأحيانا أخرى عن طريق الإيثرنت، هل يسبب ذلك مشاكل مع سيرفركم؟
5-هل أستطيع أن أفعل السيرفر على أكثر من جهاز دون تشغيل الجهازين في نفس الوقت.؟
أرجوا منكم توضيح إستفساراتي للبدء بإجراءات الإشتراك بأسرع وقت، شاكرين لكم حسن تعاونكم.