استفسار لحل المشكلة رسيفر tiger 3000

[xramahi]

الله يمسيكم بالخير

انا قبل شهر شريت جهاز رسيفر tiger 3000 وعلى قد ما قرات عنو وعن مواصفاتو وسالت كتير ناس متشرينو ومكيفين عليه وحكولي ما واجهو اي مشكلة فيه نهائيا فقررت اني اشتريه، بس للاسف واجهت كتير مشاكل عليه اول شي بطء بنظام الاندرويد الي عليه وثاني شي بيعمل فورمات للجهاز لحالو كل ما افتح اليوتيوب الي منزلو من play store وهاي اكبر مصيبة وصلتلها، وثالث مشكلة انو لما اعملو shutdown عشان اريح الرسيفر ولما اجي اشغلو ما بيرضى يفتح بعلق الا لما افصلو من الكهربا وارد اشغلو من اول وجديد ومرات بخليه شغال وبطفي التلفزيون بغيب عنو تقريبا 8 ساعات ولما افتح التلفزيون بلاقي رسالة الاندرويد انو في اشي معلق وبيعطيني خيارين يا اما ok او wait
وشغلة الفورمات تكررت معي تقريبا 5 مرات خلال الشهر الي انا شاري فيه، وكمان برنامج appmarket تبع الرسيفر بطل يفتح نهائي وحكيت مع الشركة بيحكولي تسكر من الشركة الام عشان بيعملو update للسوفير وخلال يومين بيفتح ولهلا ما فتح صرلو اسبوع،

انا بالضط مش عارف شو المشكلة ويا ريت لو في الها حل حد يفيدني مع العلم انو انا نزلت اخر update من الموقع تبعو تاريخ 16/12/2016 بس ما لاحظت اي حل للمشكلة

بانتظار انكم تفيدوني وجزاكم الله كل خير